سٹی42: وزیراعظم شہباز شریف کے مشئر رانا ثنا اللہ نے کہا ہے کہ مولانا فضل الرحمان کی یہ بہت مثبت سوچ ہے کہ وہ پی ٹی آئی کو بھی 26 ویں آئینی ترمیم کے مسودے پر متفق کریں گے، لیکن رانا ثنا اللہ نے کہا کہ پی ٹی آئی کی سیاست یہ ہے ہی نہیں کہ متفق ہو جائے، 

رانا ثنا اللہ نے اتوار کی صبح دو بجے اسلام آباد میں پارلیمنٹ ہاؤس میں میڈیا سے گفتگو کرتے ہوئے کہا کہ  ہم مولان فضل الرحمان کی اس خواہش کی تعریف کرتے ہیں کہ پی تی آئی کو چھبیسویں آئینی ترمیم پر متفق کیا جائے۔ ہماری نیک خواہشات ان کے ساتھ ہیں لیکن رانا ثنا اللہ نے کہا کہ انہیں امید نہیں کہ پی ٹی آئی آئینی ترمیم پر متفق ہو جائے گی۔ انہوں نے کہا کہ متفق ہو جانا پی ٹی آئی کی سرشت کے خلاف ہو گا۔ 

رانا ثنا اللہ نے بتایا کہ آج ہی 26 ویں آئینی ترمیم کو پارلیمنٹ کے دونوں ایوانوں سے منطور کروایا جائے گا۔ پہلے ترمیم کا مسودہ سینیٹ کے اجلاس مین پیش کیا جائے گا۔ وہاں سے منطور ہونے کے بعد آئینی ترمیم کا مسودہ قومی اسمبلی میں پیش کر کے منطور کروایا جائے گا۔