جھاڑ کھنڈ ریاستی اسمبلی الیکشن کے دوسرے مرحلہ میں شاندار ٹرن آؤٹ

سٹی42:  جھارکھنڈ اسمبلی انتخابات کے دوسرے مرحلے میں پولنگ ڈے پر شام پانچ بجے تک ووٹر ٹرن آؤٹ  67.59 فیصد ریکارڈ کیا گیا۔ 

جھارکھنڈ میں پولنگ کے پہلے مرحلے میں، جو 13 نومبر کو ہوئی تھی، میں 66.65 فیصد ووٹ ڈالے گئے، جو کہ 2019 کے انتخابات کے ٹرن آؤٹ سے 2.75 فیصد زیادہ تھے۔ آج دوسرے مرحلہ مین جن انتخابی ھلقوں میں پولنگ ہوئی وہاں ٹرن آؤٹ  13 نموبر کی نسبت زیادہ دکھائی دیا۔ 

ریاستی اسمبلی کے الیکشن کے دوسرے مرحلے میں بی جے پی 32 سیٹوں پر اور اس کی اتحادی اے جے ایس یو چھ سیٹوں پر الیکشن لڑ رہی ہے۔ انڈیا بلاک کے لیے، جے ایم ایم 20 سیٹوں سے، کانگریس 13 سے، کمیونسٹ پارٹی آف انڈیا (مارکسسٹ – لیننسٹ)4 نشستوں سے، اور آر جے ڈی2 سیٹوں سے الیکشن لڑ رہی ہے۔ جے ایم ایم اور سی پی آئی (ایم ایل) کا دھنور میں دوستانہ مقابلہ ہوگا جبکہ کانگریس اور آر جے ڈی چتر پور اور بشرم پور میں دوستانہ مقابلہ کریں گے۔

دوسرے مرحلے کے نمایاں امیدواروں میں وزیر اعلیٰ ہیمنت سورین بارہیت حلقہ سے انتخاب لڑ رہے ہیں، ان کی اہلیہ کلپنا سورین گانڈے سے، اور ان کے بھائی بسنت سورین دمکا سے الیکشن لڑ رہے ہیں؛ دھنور سے بی جے پی کے ریاستی صدر بابولال مرانڈی؛ جھارکھنڈ اسمبلی میں اپوزیشن لیڈر بی جے پی کے امر کمار بوری، چندنکیاری سے؛ شیبو سورین کی بہو سیتا سورین جمتارہ سے؛ اور سلی سے آل جھارکھنڈ اسٹوڈنٹس یونین (اے جے ایس یو) کے صدر سدھیش مہتو کی سیاست آج داؤ پر لگی ہے۔

پولنگ مکمل ہونے کے بعد اب ایگزٹ پولز کے رزلٹ چند منٹ بعد  آنے والے ہیں۔