اعجاز باکھری: چیمپئینز ٹرافی شیڈول کا اعلان رواں ہفتے بھی ممکن نہیں، پاک بھارت میچ ہو گا تو شیڈول تسلیم کریں گے، براڈ کاسٹر زنے آئی سی سی پر واضح کر دیا۔
تفصیلات کےمطابق آئی سی سی جے شاہ کے ذمہ داریاں سنبھالنے سے قبل شیڈول کے معاملے حل کرنے کے لیے متحر ک ہے، جے شاہ یکم دسمبر کوچیئرمین آئی سی سی کی ذمہ داریاں سنبھالیں گے۔
براڈ کاسٹرز اور کمرشل پارٹنرز پاک بھارت میچ کے بغیر شیڈول تسلیم نہ کرنے کے موقف پر قائم ہیں، براڈ کاسٹر زنے آئی سی سی کو واضح کر دیا کہ پاک بھارت میچ ہو گا تو شیڈول تسلیم ہو گا ،براڈ کاسٹرز نے پاک بھارت میچ نہ ہونے کی صورت میں قانونی چارہ جوئی کا بھی بتا دیا ۔
پاکستان کرکٹ بورڈ کے ہائبرڈ ماڈل پر راضی نہ ہونے سے پیش رفت نہیں ہو پارہی ، ہائی بئرڈ ماڈل اور بھارت سے نہ کھیلنے کے موقف پر پی سی بی قائم ہے،اسٹیک ہولڈرز نے لچک دکھائی تو پھر شیدول کا اعلان ایک دو روز میں ممکن ہو سکے گا ۔
اسٹیک ہولڈر شیڈول کے مطابق باہمی اتفاق کے ساتھ ایونٹ کے انعقاد کے حق میں ہیں ،آئی سی سی جے شاہ کے ذمہ داریاں سنبھالنے سے قبل شیڈول کے معاملے حل کرنے کے لیے کوشاں ہے۔