سٹی42: آج بشکیک سے پاکستانی طلبہ کو لاہور لانے والی  2 فلائٹس میں سے ایک منسوخ ہو گئی۔  

 لاہور آنے والی نوماد ائیر  کی پرواز کےاے 4573 کو منسوخ کردیا گیا۔ آج رات ایک ہی پرواز لاہور آئی ہے۔  پاکستانی سٹوڈنٹس  کو لاہور لانے کے لیے نوماد ائیر کی  فلائٹ کے اے6571  کو ساڑھے 8بجے لاہور ائیرپورٹ لینڈ کرنا تھا۔

 اس فلائٹ کی  بشکیک ائیرپورٹ سے روانگی میں تاخیر  ہو گئی۔ اس فلائٹ کی  آمد سے قبل لاہور ائیرپورٹ پر سٹوڈنٹس کو ریسیو کرنے کے انتظامات مکمل کر لئے گئے تھے۔ اوورسیزپاکستانیز فاونڈیشن کی جانب سے سٹوڈنٹس کے کھانے، پینے، ٹرانسپورٹ اور ایمبولینس کے انتظامات  کئے گئے تھے۔ او پی ایف کی ریجنل ہیڈ سیدہ صبا فاطمہ کی سربراہی میں ٹیمیں لاہور ائیرپورٹ موجود رہیں۔