ویب ڈیسک: پاکستان تحریکِ انصاف ( پی ٹی آئی) کے رہنما فواد چوہدری کا کہنا ہے کہ پولیس اور آئی جی کو کہنا چاہتا ہوں کہ آپ عذابِ الہٰی کو دعوت دے رہے ہیں۔

 جاری کیے گئے ویڈیو بیان میں انہوں نے کہا ہے کہ اسلام آباد اور لاہور میں ایک دو نہیں سینکڑوں کارکنوں کے گھروں پر چھاپے مارے گئے ہیں۔ فواد چوہدری نے کہا ہے کہ سینکڑوں کارکن پولیس کی تحویل میں ہیں، چادر اور چار دیواری کے تقدس کو پامال کیا گیا ہے۔

Statement on Arrests of PTI workers pic.twitter.com/uq4j0S1fX1

— Ch Fawad Hussain (@fawadchaudhry) March 20, 2023

ان کا مزید کہنا ہے کہ پی ٹی آئی کارکن آئین کی سر بلندی کے لیے جمہوری جدوجہد کر رہے ہیں، ہم جب بات کرنا چاہتے ہیں گرفتاریاں شروع ہو جاتی ہیں۔

پاکستان تحریکِ انصاف ( پی ٹی آئی) کے رہنما فواد چوہدری کا یہ بھی کہنا ہے کہ الیکشن کمیشن کہتا ہے کہ ان کے ہاتھ میں کچھ نہیں ہے۔