سٹی42: لاہور میں موٹر سائیکل چور متحرک وارداتیں بدستور جاری ، رائیونڈ سٹی میں چور شہری اسد سعید کی موٹر سائیکل لے اڑا  جس کی سی سی ٹی وی فوٹیج سٹی 42 نے حاصل کر لی۔

موٹرسائیکل چوری کی واردات گزشتہ رات ساڑھے 12 بجے غوث پورہ مانگا رائیونڈ روڈ پر ہوئی ۔ سی سی ٹی وی میں ٹراؤزر اور ٹی شرٹ میں ملبوس ایک چور نظر آتا ہے، جو اطراف کا جائزہ لے کر چند سیکنڈ میں موٹر سائیکل کا سائیڈ لاک توڑ دیتا ہے اور پھر 30 سیکنڈ کی واردات کے دوران گھر کے باہر کھڑی موٹر سائیکل لے کر فرار ہوجاتا ہے۔

دوسری جانب رائیونڈ سٹی پولیس نے متاثرہ شہری کی درخواست پر مقدمہ درج کر لیا ہے، پولیس کا کہنا ہے کہ سی سی ٹی وی کی مدد سے واردات میں ملوث ملزم کی تلاش کی جا رہی ہے۔