افشاں رضوان: باگڑیاں کی گل دامن سوسائٹی ازمیر چوک میں سیوریج کےناقص انتظامات سے شہری سخت اذیتناک مسائل سے دوچار ہو رہے ہیں۔
سڑک ٹوٹ پھوٹ کا شکار ہونے کے باعث شہریوں کوپریشانی کاسامنا کرنا پڑتا ہے اور سڑک پر ہمہ وقت جمع رہنے والا گندا پانی ان کے مسائل کو دو چند کر دیتا ہے۔
اہل علاقہ نے بتایا کہ سڑک کی ٹوٹ پھوٹ کوئی آج کا مسئلہ نہیں عرصہ دراز سے سڑک کی حالت خراب ہے، سڑک پر سیوریج کا پانی جمع ہونے سے اس کی خستہ حالی کئی گنا بڑھ گئی ہے۔
علاقہ کے لوگوں نے بتایا کہ ایم پی اے ایم این اے بھی اس سڑک سے گزرتے ہیں لیکن انہیں عوام کے مسائل سے کوئی غرض ہی نہیں۔
علاقہ کے مکینوں نے جلد از جلد نکاسی آب کا بہتر انتظام کرنے کی اپیل کی ہے۔
