عمیر افضال: کوٹ آرائیاں جیا بگا روڈ مسائل کا گڑھ بن گیا.
سیوریج کے ناقص انتظامات کے باعث سڑک پر پانی جمع ہو گیا۔
آبادی کی مرکزی سڑک پر ٹریفک کی روانی ممکن ہی نہیں رہی بلکہ شہریوں کا پیدل گزرنا بھی مشکل ہو گیا ہے۔
علاقہ مکینوں کا کہنا ہے کہ سڑک کی حالت کے متعلق متعدد بار شکایات کے باوجود کوئی شنوائی نہیں ہورہی۔ اس سڑک پر کاروبار کرنے والے دوکانداروں کو دوہری پریشانی درپیش ہے، آمد و رفت میں دشواری کا براہ راست اچر ان کے کاروبار پر پڑتا ہے جو سڑک کے کئی ماہ سے ناقابل استعمال ہو جانے کے سبب بری طرح متاثر ہو رہے ہیں۔ گاہک دوکانوں تک رسائی مشکل ہونے کے سبب ادھر کا رخ ہی نہیں کرتے۔
کوٹ اڑائیاں جیا بگا کے مکینوں نے انتظامیہ سے نوٹس لے کر سیوریج سسٹم ٹھیک کروانے کا مطالبہ کیا ہے۔