سٹی42: واشنگٹن میں صدر کی سرکاری اقامت گاہ اور دفتر "وائٹ ہاؤس" میں نئے صدر ڈونلڈ ٹرمپ نے عہدہ کا حلف لے لیا۔یہ صدر کے عہدہ کے لئے حلف کی 60 ویں تقریب ہے۔ یہ امریکہ کی ڈھائی صدیوں پر محیط جمہوریت کی تاریخ میں پہلی مرتبہ ہوا کہ ایک سزا یافتہ شخص صدر کے عہدہ کا حلف لینے کے لئے وائٹ ہاؤس آیا ہے۔
سرد موسم کی وجہ سے، ٹرمپ نے گزشتہ معمول کے برعکس باہر ماربل سیڑھیوں کے بجائے، تقریب کو کیپیٹل روٹونڈا کے نیچےمنتقل کر دیا ہے۔
مجرمانہ الزامات میں سزا یافتہ پہلے امریکی صدر ڈونلڈ ٹرمپ، نومبر کے صدارتی انتخابات میں کمیلا ہیریس کے خلاف اپنی کامیابی کے بعد آج وائٹ ہاؤس سے رخصت ہونے والے ڈیموکریٹ صدر جو بائیڈن کی جگہ لے چکے ہیں۔
سنگر کیری انڈرووڈ اور امریکہ کی مسلح افواج کی کوائر نے امریکہ کے 47 ویں صدر کے حلف کی تقریب میں گیت پیش کئے.
صدر جو بائیڈن تقریب گاہ میں روایت کے مطابق اپنی نائب صدر کمیلا ہیرس کے ساتھ داخل ہوئے۔ کمیلا ہیرس آج تک امریکہ کی نائب صدر ہیں۔ انہوں نے نومبر کے صدارتی الیکشن میں ڈیموکریٹک پارٹی کی امیدوار کی حیثیت سے الیکشن لڑا تھا۔
جب چار سال پہلے جو بائیڈن امریکہ کے 45 ویں صدر منتخب ہوئے تھے تو ان سے شکست کھانے والے ڈونلڈ ٹرمپ ان کی حلد لینے کی تقریب میں نہیں آئے تھے۔ ٹرمپ کے برعکس صدر جو بائیڈن اور ٹرمپ سے الیکشن ہارنے والی نائب صدر کمیلا ہیرس دونوں پر وقار انداز سے آج ٹرمپ کی حلف لینے کی تقریب میں شریک ہوئے۔