علی موسیٰ رضا: سخی سرور میں فاروق احمد خان لغاری انٹرنیشل ایئرپورٹ پر آج وزیر اعلیٰ پنجاب مریم نواز شریف کے دورہ ڈیرہ غازی خان کے حوالے سے انتظامات مکمل کر لئے ہیں۔
تفصیلات کےمطابق ائیرپورٹ سے سخی سرور قومی شاہراہ کوئٹہ روڈ غازی یونیورسٹی تک ہیوی ٹریفک کا داخلہ تین بجے تک بند کرکے سیکورٹی کے فول پروف انتظامات کیے گئے ہیں،سخی سرور اور بلوچستان سے آنے جانے والی ہیوی ٹریفک کے لئے قومی شاہراہ کوئٹہ روڈ پر چار بجے تک بند رہیں گی ۔
وزیر اعلیٰ پنجاب مریم نواز شریف ائیرپورٹ سے غازی یونیورسٹی ڈیرہ غازی خان جائیں گی، ائیرپورٹ سے غازی یونیورسٹی تک ضلعی انتظامیہ نے راستوں کو چمکا دیا ہے، وزراء ایم این ایز ایم پی ایز وزیر اعلیٰ پنجاب مریم نواز شریف کا استقبال کرینگے۔
کمشنر ڈیرہ غازی خان ڈاکٹر ناصر محمود بشیر آر پی او کیپٹن ریٹائرڈ سجاد حسن خان ڈی سی محمد عثمان خالد ڈی پی او سید علی کے ہمراہ تمام تر انتظامات کی نگرانی کر رہے ہیں۔
وزیر اعلیٰ پنجاب مریم نواز شریف کے روٹس پر پنجاب پولیس، ٹریفک پولیس سمیت دیگر اداروں کی ڈیوٹیاں لگا دی گئیں ہیں ۔