ویب ڈیسک:  واٹس ایپ کی جانب سے اسٹیٹس فیچر کو مزید بہتر بنایا جا رہا ہے،اس مقصد کیلئے واٹس ایپ کے اینڈرائیڈ ڈیوائسز کے لیے نئے بیٹا (beta) ورژن میں اسٹیٹس کے لیے ایک نئے فیچر کا اضافہ کیا جا رہا ہے۔

  رپورٹ کے مطابق اینڈرائیڈ ڈیوائسز کے نئے بیٹا ورژن میں ایک نیا فیچر متعارف کرایا گیا ہے جس سے صارفین میوزک کو اپنے  سٹیٹس اپ ڈیٹس کا حصہ بنا سکیں گے۔

 اگر آپ واٹس ایپ  سٹیٹس استعمال کرتے ہیں تو اچھی خبر یہ ہے کہ کمپنی کی جانب سے اسے بہتر بنایا جا رہا ہے،میٹا کی زیرملکیت ایپ میں اسٹیٹس اپ ڈیٹس سیکشن کا یوزر انٹرفیس تبدیل کیا جا رہا ہے،اب اس سیکشن میں ایک نیا میوزک آئیکون صارفین کو ڈرائنگ ایڈیٹر کے اوپر اس وقت نظر آئے گا جب ان کی جانب سے ایک اسٹیٹس واٹس ایپ میں پوسٹ کیا جائے گا۔

 صارفین اس آئیکون پر کلک کرکے اپنے پسندیدہ گانوں کو تلاش کرسکیں گے اور اسٹیٹس اپ ڈیٹس کا حصہ بناسکیں گے،جب کسی گانے کو منتخب کرلیا جائے گا تو صارفین کے پاس کسی مخصوص سیکشن کو سلیکٹ کرنے کا آپشن ہوگا۔

 تصویر مبنی  سٹیٹس کے لیے 15 سیکنڈ دورانیے جبکہ ویڈیو کلپ کے لیے مختلف دورانیے کے میوزک کو سلیکٹ کیا جاسکے گا،جیسا اوپر درج کیا جاچکا ہے کہ یہ فیچر بیٹا ورژن میں متعارف کرایا گیا ہے تو ابھی یہ محدود افراد کو دستیاب ہے،اسے کب تک تمام صارفین کے لیے متعارف کرایا جائے گا، اس بارے میں ابھی کچھ کہنا مشکل ہے۔

 خیال رہے کہ واٹس ایپ میں اسٹوریز فیچر کو اسٹیٹس کے نام سے شامل کیا گیا ہے۔