ویب ڈیسک : چیمپئنز ٹرافی سے آؤٹ ہونے کے بعد فخر زمان  نے کہا کہ واپسی زیادہ مضبوط ہوگی‘میں گھر سے اپنے کھلاڑیوں کو سپورٹ کروں گا‘

چیمپئنز ٹرافی کے پہلے میچ میں فیلڈنگ کے دوران انجری کا شکار ہوکر ایونٹ سے آؤٹ ہونے والے قومی ٹیم کے اوپنر فخر زمان نے بیان جاری کردیا۔ایکس پر جاری بیان میں فخر زمان نے لکھا کہ ’سب سے بڑے اسٹیج پر پاکستان کی نمائندگی کرنا  ہر قومی کرکٹر کیلئے ایک اعزاز اور  خواب ہے، مجھے فخرہے کہ مجھے بھی  پاکستان کی نمائندگی کا اعزاز حاصل ہوا ‘۔’بدقسمتی سے میں اب آئی سی سی چیمپئنز ٹرافی 2025 سے باہر ہوں لیکن یقیناً اللہ بہترین منصوبہ ساز ہے، میں گھر سے اپنے کھلاڑیوں کو سپورٹ کروں گا‘۔ ’ یہ تو صرف آغاز ہے، واپسی اس  دھچکے سے زیادہ مضبوط ہوگی ‘۔

 یاد رہے کہ فخر زمان چیمپئنز ٹرافی کے ابتدائی میچ میں فیلڈنگ کے دوران انجری کا شکار ہوکر ٹورنامنٹ سے باہر ہوگئے تھے جس کے بعد فخر کی جگہ ٹیم میں امام الحق کو شامل کرلیا گیا ہے۔