(سعدیہ خان)لاہور چڑیا گھر کا سفید نر شیر بیمار پڑ گیا ،شیر نے خوراک کم کر دی،علاج کے بعد شیر کی طبیعت قدرے بہتر نظر آرہی ہے۔
لاہور چڑیا گھر کے سفید نر شیر کی طبیعت ناساز ہونے پر اس کا طبی معائنہ کیا گیا ۔انتظامیہ کے مطابق شیر کو ابتدائی طبی امداد فراہم کردی گئی ہے،شیر کی خوراک کم ہوئی جس سے اس میں کمزوری کی علامتیں واضح ہوئیں۔
شیر کو ملٹی وٹامنز اور دیگر ضروری طبی سہولیات دی جارہی ہیں جس سےشیر کی طبیعت میں قدرے بہتری دیکھنے میں آئی ہے ۔ انتظامیہ کا کہناہے کہ شیر میں خوراک کی کمی موسمیاتی تبدیلی کی وجہ سے ہوئی ۔