ویب ڈیسک : محکمہ موسمیات نے ہفتہ کے روز موسم کے متعلق پیشگوئی کردی ہے ۔ 

 محکمہ موسمیات کے مطابق ہفتہ کے روز ملک کے بیشتر علاقوں میں موسم سرد جبکہ بالائی علاقوں میں شدید سرد اور مطلع ابر آلود رہنے کا امکان ہے, جبکہ رات اور صبح کے اوقات میں پنجاب ، بالائی سندھ اور خیبر پختونخوا کے میدانی علاقوں میں دُھند کی توقع ہےجبکہ اسلام آباد، خطہ پوٹھوہار اور خیبر پختونخوا کے کچھ میدانی علاقوں میں صبح کے وقت کہرا پڑنے کا امکان ہے۔

 آج ریکارڈ کیے گئے کم سے کم درجہ حرارت کے مطابق لہہ اور سکردو میں منفی 12، گلگت میں منفی 8، گوپس اور قلات میں منفی 7، استور، کوئٹہ اور زیارت میں منفی 6، بگروٹ، چترال، دیر اور کالام میں منفی 5 جبکہ راوالاکوٹ اور ہنزہ میں منفی 4 ڈگری سینٹی گریڈ ریکارڈ کیا گیا۔