سٹی42: جنوبی افریقہ کیخلاف ون ڈے میچ میں جیت، چیئرمین پی سی بی محسن نقوی کی قومی ٹیم کو مبارکباد، محسن نقوی نے کہا، قومی ٹیم نے جنوبی افریقہ کو ہوم گراؤنڈ پرشکست دیکر شاندار کارکردگی کا مظاہرہ کیا۔
چیئرمین پی سی بی کا کہنا تھا کہ کھلاڑیوں نے ٹیم ورک کا بہترین مظاہرہ کرکے سیریز اپنے نام کی،بولے ،محمد رضوان،بابر اعظم اور کامران غلام نے عمدہ پرفارمنس کرکے جیت کی بنیاد رکھی، امید ہے چیمپئنز ٹرافی میں بھی قومی ٹیم شاندار کارکردگی دکھائے گی.
یاد رہے کہ پاکستان نے 3 میچز کی ون ڈے سیریز کے دوسرے میچ میں جنوبی افریقا کو 81 رنز سے شکست دیکر سیریز اپنے نام کرلی۔
جنوبی افریقا کی دعوت پر پاکستان ٹیم 49.5 اوورز میں 329 رنز بناکر آؤٹ ہوئی۔ پاکستان نے تین میچز کی سیریز میں جنوبی افریقا پر 0-2 کی برتری حاصل کرلی۔
پاکستان نے تیسری مرتبہ جنوبی افریقا میں ون ڈے سیریز جیتی، پاکستان اکیسویں صدی میں جنوبی افریقا میں تین مرتبہ ون ڈے سیریز جیتنے والی پہلی ٹیم بن گئی۔