خضدار: خضدار میں عمر فاروق چوک پر ہونے والے دو دھماکوں میں 13 افردزخمی ہوگئے ہیں۔
سیکورٹی ذرائع کے مطابق نامعلوم دہشتگردوں نے پہلے دستی بم پھینکا، جب لو گ وہاں جمع ہوئے تو دوسرا دھماکا ہوا، جس کے نتیجے میں 13افراد زخمی ہوگئے، زخمیوں کو ٹیچنگ اسپتال خضدار منتقل کردیا گیا جہاں 2 زخمیوں کی حالت تشویش ناک بتائی جاتی ہے۔
اطلاع ملنے پر بم ڈسپوزل اسکواڈ اور دیگر تحقیقاتی ٹیمیں دھماکے کی جگہ پر پہنچنے کےبعد فورسز نے علاقے کی ناکہ بندی کردی ۔
خضدار اسپتال انتظامیہ نے زخمیوں کے علاج کیلئے شہریوں سے خون کے عطیہ کی اپیل کی ہے،ہنگامی صورتحال کےباعث ٹیچنگ اسپتال میں ایمرجنسی نافذ کردی گئی ہے، اسپتال انتظامیہ نے زخمیوں کی تعدا د بڑھنے کا خدشہ ظاہر کیا ہے۔