(زین مدنی ) معروف اداکار ہمایوں سعید کی جانب سے سوشل میڈیا پرشیئر کی جانے والی ویڈیو وائرل ہورہی ہے جس میں ان کی ننھی بھانجی ڈرامہ سیریل میرے پاس تم ہو کا ٹائٹل سانگ گاتی ہوئی نظرآرہی ہیں۔
ڈرامہ سیریل" میرے پاس تم ہو" اس وقت پاکستان کا مقبول ترین ڈرامہ ہے جسے نہ صرف لوگ بڑی تعداد میں دیکھ رہے ہیں بلکہ سوشل میڈیا پربھی ڈرامے کے حوالے سے مختلف مزاحیہ پوسٹس شیئر کرتے اور ڈرامے کی کہانی اور مکالموں کے بارے میں اپنے خیالات کا اظہار کرتے ہیں، میرے پاس تم ہو کے مداح صرف خواتین یا بڑی عمر کے افراد ہی نہیں ہیں بلکہ ننھے بچے بھی اس ڈرامے کو بہت شوق سے دیکھتے ہیں۔
ہمایوں سعید نے اپنی ننھی بھانجی عائزہ کی ایک ویڈیو شیئر کی ہے جس میں ننھی عائزہ ڈرامے کا ٹائٹل سونگ گاتی ہوئی نظر آرہی ہے، ہمایوں سعید نے ویڈیو کے ساتھ پیغام لکھا میری بھانجی عائزہ سے ملئے یہ بھی میرے پاس تم ہو کی بہت بڑی مداح ہے، سوشل میڈیا پر ننھی عائزہ کے انداز اور گائیکی کو بے حد سراہا جارہا ہے