(اکمل سومرو)محکمہ سپیشل ایجوکیشن کے ملازمین کو ٹائم سکیل پرموشن دینے کا فیصلہ،ڈی جی پرویز اقبال بٹ نے ملازمین کی فہرستیں مرتب کرنے کے احکامات جاری کر دئیے ۔
ڈائریکٹر جنرل آف اسپیشل ایجوکیشن پرویز اقبال بٹ کی زیر صدارت ڈویژنل اسپیشل ایجوکیشن آفسران کا اجلاس منعقد کیا گیا، اجلاس میں ڈائریکٹر ڈویلپمنٹ زاہد مجید،ڈائریکٹر ایڈمن غلام مرتضی، ڈائریکٹر اکیڈمک راؤ عبدالنافع نے شرکت کی، اجلاس میں محکمہ سپیشل ایجوکیشن کے ملازمین کو ٹائم سکیل پرموشن دینے کا فیصلہ کیا گیا ۔
صوبے بھر کے ڈی ای اوز کو ملازمین کی فہرست مرتب کرنے کے احکامات جاری کیے گئے ہیں، اجلاس میں فیصلہ کیا گیا کہ سپیشل ایجوکیشن ڈیپارٹمنٹ کی ناکارہ بسوں کی نیلامی کی جائے گی اور مزید نئی بسیں خریدی جائیں گے،تعلیمی اداروں میں سپیشل بچوں کو مفت پک اینڈ ڈراپ کی سہولت یقینی بنانے کی ہدایت کی گئی۔