(زین مدنی)معروف گلوکارہ صنم ماروی نے تشدد کرنے اور اغوا کی کوشش پر اپنے سابق شوہر حامد علی بہلول پر ایف آئی آر کٹوا دی،صنم ماروی کا کہنا ہے کہ ان کے سابق شوہر نے ساتھیوں کے ہمراہ انہیں اغواء کرنے کی کوشش کی ، ڈرائیور نے انہیں بچایا۔

تفصیلات کے مطابق صنم ماروی نے تھانہ اسلام پورہ میں اپنے سابق شوہر حامد علی بہلول کے خلاف ایف آئی آر درج کروائی ہے ۔ انہوں نے الزام لگایا ہے کہ حامد علی بہلول نے ان پر شدید تشدد کیا ،ساتھیوں کے ساتھ مل کر اغواء کرنے کی کوشش کی ، ان کے ڈرائیور وقار نے ان کی جان بچائی اور انہیں موقع سے دور لے کر گیا ۔صنم ماروی نے ایف آئی آر میں الزام لگایا ہے کہ ان کی سابق شوہر حامد علی بہلول سے تعلقات دوسال قبل علیحدگی ہوچکی ہے.

وہ سول کورٹ میں اپنے کیس کے سلسلے میں آئیں ، واپسی پر ان کے سابق شوہر نے اپنے بھائی کے ساتھ مل کر ان پر تشدد کیا اور ان کو اغواء کرنے کوشش کی۔ تھانہ اسلام پورہ پولیس نے تحقیقات کا آغاز کردیا ہے ۔

واضح رہے کہ  گلوکارہ صنم ماروی کا بچوں کے لئے اپنے سابقہ شوہر کے ساتھ معاہدہ طے پا گیا تھا،بچے چار روز ماں اور تین روز والدہ کے ہمراہ رہیں گے بچوں کی بہترین تعلیم و تربیت کے لئے معاہدہ طے پایا تھا، قبل ازیں فیملی سول جج کی عدالت میں صنم ماروی نے اپنے شوہر حامد علی کے خلاف خلع کے دعوے میں موقف اختیار کر رکھا تھا کہ اس کے تین بچے ہیں اس کا شوہر حامد علی اس پر تشدد کرتا ہے۔

بچوں کے سامنے بھی اس کو مارتا ہے اور گالیاں دیتا ہے وہ کافی عرصے سے تشدد برداشت کررہی ہے اب وہ مزید تشدد برداشت نہیں کرسکتی۔ عدالت سے استدعا کی تھی کہ اسے خلع کی بنیاد پر طلاق دلوائی جائے۔ عدالت نے فیصلہ سناتے گلوکارہ کو خلع کی ڈگری جاری کردی تھی۔