(مانیٹرنگ ڈیسک) بالی ووڈ اداکارہ مادھوری ڈکشٹ کی مراکشی نژاد کینیڈین رقاصہ و اداکارہ نورا فتحی کے ساتھ ڈانس ویڈیو نے سوشل میڈیا پر تہلکہ مچا دیا۔
ماضی میں بالی ووڈ کو سُپر ہٹ فلمیں دینے والی بھارتی اداکارہ مادھوری ڈکشٹ نے نورا فتحی کے ساتھ ایک ڈانس ویڈیو اپنے انسٹاگرام اکاﺅنٹ پر شیئر کی جسے صارفین کی جانب سے بے حد پسند کیا جارہا ہے، اس ویڈیو میں انہوں نے مادھوری ڈکشت کے ماضی کے مقبول ترین گیتوں ’میرا پیا گھر آیا‘ اور ’ایک دو تین‘ پر ڈانس کیا ہے، ان دونوں نے بھارتی رئیلٹی شو ’ڈانس دیوانے‘ کے سیٹ پر سٹیج شیئر کیا، مادھوری ڈکشت اس شو میں جج کے فرائض سرانجام دے رہی ہیں۔
View this post on Instagram
مادھوری ڈکشٹ اداکاری کے ساتھ ساتھ میں ڈانس میں کمال مہارت کی وجہ سے عالمگیر شہرت رکھتی ہیں اور نورا فتحی کی وجہ شہرت بھی رقص ہی ہے، مراکشی نژاد کینیڈین رقاصہ و اداکارہ نورا فتحی نے بالی ووڈ میں قدم رکھنے کے بعد انتہائی قلیل عرصے میں بے مثال شہرت پائی ہے اور ان کے گیت ’دلبر دلبر‘ نے ویڈیو شیئرنگ پلیٹ فارم یوٹیوب پر ایک ارب ’ویوز‘ کا ریکارڈ قائم کر دیا۔
نورا فتحی پہلی افریقی عرب فنکارہ ہیں جن کے گیت نے یوٹیوب پر ایک ارب ویوز کا سنگ میل عبور کیا ہے۔