ویب ڈیسک:آئی سی سی ٹی 20 ورلڈ کپ کے پہلے راؤنڈ کے گروپ بی کے اہم میچ میں ویسٹ انڈیز نے زمبابوے کو 31 رنز سے ہرادیا۔
ویسٹ انڈیز جو اپنا افتتاحی میچ سکاٹ لینڈ سے ہار گئی تھی زمبابوے کیخلاف 7 وکٹوں کے نقصان پر 153 رنز بنانے میں کامیاب رہی۔ اوپنر جانسن چارلس نے 45 رنز کی اننگز کھیل کر سب سے زیادہ اسکور کیا، روومین پاول (28) اور اکیل ہوسین (23*) رنز بنا کر نمایاں رہے۔
روومین پاول نے اننگنز کے درمیان میں دو چھکے لگائے اور اپنے بلے کے ساتھ کرکٹ شائقین کو اپنی بے پناہ صلاحیت کی یاد دلائی۔ان میں سے ایک چھکا 104 میٹر لمبا تھا اور یہ سٹیڈیم کے باہر جا گرا۔
View this post on Instagram
روومین پاول کے اس چھکے نے ساتھی اکیل ہوسین کو بھی مکمل طور پر چونکا دیا۔آئی سی سی کی جانب سے نان اسٹرائیکر کا ردعمل انسٹاگرام پر پوسٹ کیا گیا اور اس کے بعد یہ ویڈیو وائرل ہو گئی ۔مداحوں نے چھکے اور اور اکیل حسین کے ردعمل دونوں پر اپنی محبت کا اظہار کیا ہے۔یہ ویسٹ انڈیز کے لیے ایک اہم میچ تھا کیونکہ ایک اور ہار انہیں اس ایونٹ سے باہر کر دیتی، جسے وہ 2012 اور 2016 میں دو بار جیت چکے ہیں۔