(مانیٹرنگ ڈیسک) ملازمت پیشہ افراد کی چھٹی کا دن اتوار ہونے کی وجہ سے عموماً زیادہ تر لوگوں کے نزدیک پیر کا دن برا معلوم ہوتا ہے لیکن اب گنیز ورلڈ ریکارڈ نے بھی پیر کے دن کو بدترین دن قرار دے دیا ۔
گنیز ورلڈ ریکارڈز نے اپنے ٹوئٹر پر اعلان کیا کہ وہ اب باضابطہ طور پر پیر کو ہفتے کا بدترین دن قرار دے رہے ہیں۔گنیز ورلڈ ریکارڈز کے اس ٹوئٹ کے بعد سوشل میڈیا صارفین کی جانب سے اسے ری ٹوئٹ کیا جارہا ہے اور اپنے خیالات کا اظہار کیا جارہا ہے۔
we're officially giving monday the record of the worst day of the week
— Guinness World Records (@GWR) October 17, 2022
گنیز ورلڈ ریکارڈز کی اس ٹوئٹ پر صارفین کی جانب سےتبصرے کرنے کا سلسلہ جاری ہے۔ایک صارف نے گنیز ورلڈ ریکارڈز کی پوسٹ پر جواب دیا کہ 'آپ نے بہت دیر کردی'۔ایک اور صارف نے لکھا 'اسی وجہ سے میں پیر کو چھٹی کا دن مناتا ہوں'۔