(مانیٹرنگ ڈیسک) بالی ووڈ کی سینئر اداکارہ شلپا شیٹی نے اپنے سر کا پچھلے حصہ منڈوا لیا جس کی ویڈیو سوشل میڈیا پر تیزی سے وائرل ہورہی ہے۔
سماجی رابطوں کی ویب سائٹ انسٹاگرام پر بالی ووڈ اداکارہ شلپا شیٹھی نے ایک ویڈیو شیئر کی ہے جس میں دیکھا جاسکتا ہے وہ ٹریمر مشین سے اپنے سر کے پچھلے حصے سے بال اتروا رہی ہیں، انڈر کٹ کروانے کے بعد وہ بہت خوش نظر آرہی ہیں اور اس کو ایک چیلنج کے طور پر قبول کر رہی ہیں جبکہ شلپا شیٹی کے اس نئے ہیئر اسٹائل پر ان کے زیادہ تر مداحوں نے ناپسندیدگی کا اظہار کیا۔
View this post on Instagram
شلپا شیٹی نے ویڈیو شیئر کرتے ہوئے کیپشن میں لکھا کہ آپ اپنے کمفرٹ زون سے نکل کر روزانہ رسک نہ لیں تو آپ زندگی نہیں گزار سکتے، چاہے یہ انڈر کٹ بز کٹ ہو یا بازی گری کی نئی مہارت، اس کیلئے بہت ہمت چاہیے ہوتی ہے۔
View this post on Instagram
شلپا شیٹی نے ایک اور ویڈیو بھی شیئر کی جس میں ان کے سٹائلسٹ کو ان کے سر کے پیچھے کے بال صاف کرتے ہوئے دیکھا جاسکتا ہے، انہوں نے بتایا کہ سر کا پیچھے کا حصہ گنجا کرتے ہوئے ان سے زیادہ ان کے سٹائلسٹ واحد خوفزدہ تھے.
خیال رہے کہ شلپا شیٹی بالی ووڈ کی سینیئر اداکارہ ہیں اور معتدد فلموں میں اداکاری کے جوہر دکھا چکی ہیں, ان کے شوہر راج کندرا حال ہی میں فحش فلموں کی تیاری اور اسے پھیلانے کے کیس میں ضمانت پر جیل سے رہا ہوئے ہیں۔