لاکھوں مالیت کا ریلوے میٹریل چوری کرنے والے 5ملزمان گرفتار

سعید احمد:  ریلویز پولیس مغلپورہ ورکشاپس نے کارروائی کرتے ہوئے ریلوے کا قیمتی مٹیریل چوری کرکے فرار ہونے والے 5 ملزمان گرفتار کرلیے 
ملزمان 2 روز قبل الیکٹرک ڈپو جنرل سٹور کی کھڑکیاں ،دروازے توڑ کر اندر داخل ہوئے،ملزمان نے ریلوے کا 25 مختلف اقسام کا قیمتی سامان چوری کیا،سامان میں 300 کلو وزنی لاکھوں مالیت کا ریلوے میٹریل برآمد کرلیا گیا،برآمد مال میں سسپنشن بیئرنگ، کوائل، ٹریکشن موٹر، پمپ اور پسٹن وغیرہ شامل ہیں ۔ملزمان میں شاہد اختر، سجاد، ناصر خان، اسماعیل خان اور زاہداللہ کو گرفتار کیا گیا ،گرفتار ملزمان کیخلاف تھانہ ریلویز پولیس مغلپورہ ورکشاپس میں مقدمہ درج تھا ۔ریلوے پولیس کا کہنا ہے کہ ملزمان کا مزید ریمانڈ حاصل کرکے تفتیش کو جاری رکھا جاۓ گا