ویب ڈیسک:  ٹریفک پولیس نے علامہ خادم حسین رضوی کے تین روزہ عرس کی تقریبات کیلئے ٹریفک پلان جاری کردیا۔

 علامہ خادم حسین رضوی کے تین روزہ عرس کی تقریبات کے سلسلہ میں چوک یتیم خانہ،بند روڈ،ملتان روڈ کیلئے ٹریفک پلان جاری کر دیا گیا ، عرس کی تقریبات مدرسہ رحمت العالمین میں منعقد ہوں گی۔

 ترجمان سٹی ٹریفک پولیس کے مطابق سی ٹی او لاہور عمارہ اطہر نے ایمبولینس کیلئے راستہ کلئیر رکھنے کی ہدایت کی ہے۔ ایس پی صدر شہزاد خان تمام تر ٹریفک انتظامات کی نگرانی کررہے ہیں، 2 ڈی ایس پیز، 10 انسپکٹرز اور 195 وارڈنز تعینات کر دئیے گئے ہیں۔ 

 سمن آباد چوک جانب یتم خانہ چوک، شاہ فرید چوک جانب سبزہ زار چوک، سٹی اڈہ/رہبر اڈہ،ڈائیورشن رحیم اسٹور، بجلی گھر چوک جانب یتیم خانہ ڈائیورشن ہے۔ 

 نوانکوٹ کٹ،شیل کٹ جانب یتیم خانہ،کھاڑک نالہ چوک،دبئی چوک، چوبرجی چوک، گندہ نالہ سمن آباد چوک، شاہدرہ چوک،سگیاں آر او،بابوصابو چوک اور  ٹھوکر نیاز بیگ چوک سے ہیوی ٹریفک کی ڈائیورشن ہے۔ 

 سی ٹی او لاہور کے مطابق عرس کے شرکاء اسٹیٹ بنک خالی پلاٹ نزد یتیم خانہ میٹر و اسٹیشن، پارکنگ گیٹ اسٹیڈیم سبزہ زار پارک کرسکتے ہیں۔ شہری راہنمائی و مدد کےلئے ہمہ وقت ہیلپ لائن 15 پر کال کرسکتے ہیں۔