ویب ڈیسک:ٹیوٹا پاکستان نے نئے سال کی آمدکے موقع پر صارفین کو خوشخبری سناتے ہوئے محد ود مدت کیلئے اپنی مشہور زمانہ گاڑی ’ ٹیوٹا کراس‘ کی قیمت میں 4 لاکھ روپے کمی کا اعلان کر دیاہے ۔
تفصیلات کے مطابق ٹیوٹا نےمحدود مدت کیلئے اپنی دلکش آفر کا نوٹیفکیشن بھی جاری کر دیاہے جس کا اطلاق 16 نومبر 2024 سے شروع ہو چکاہے ، یہ آفرگاڑیوں کی محدودتعداد تک ہی لاگو ہو گی، جن کی بکنگ مکمل ہونے کے بعد مزید آفر نہیں دی جائے گی ۔
کرولا کراس HV ہائی:
اس کی قیمت میں چار لاکھ روپے کمی کی گئی ہے جس کے بعد نئی قیمت 94,49,000 روپے ہے جبکہ اس کی پرانی قیمت 98,49,000 روپےتھی ۔
کرولا کراس HV مڈ:
اس ویرینٹ کی قیمت میں بھی 4 لاکھ روپے کمی کرتے ہوئے قیمت 89 لاکھ 99 ہزار روپے مقرر کر دی گئی ہے جبکہ اس سے قبل یہ گاڑی 93 لاکھ 99 ہزار روپے میں دستیاب تھی ۔
ٹیوٹا کراس پیٹرول ہائی ویرینٹ:
کمپنی نے پیٹرول ہائی ویرینٹ کی قیمت بھی 4 لاکھ کم کر نے کے بعد 84 لاکھ 99 ہزار روپے کر دی ہے جبکہ ا سے قبل یہ گاڑی 88 لاکھ 99 ہزار روپے میں دستیاب تھی ۔
پیٹرول لو ویرینٹ:
پیٹرول ویرینٹ کی قیمت میں ساڑھے تین لاکھے روپے کمی کی گئی ہے جس کے بعد نئی قیمت 78,49,000 روپے ہو گئی ہے جبکہ پرانی قیمت 81,99,000 روپے تھی ۔
کمپنی کے مطابق یہ پروموشنل قیمتیں محدود وقت اور محدود اسٹاک کے لیے ہیں اور صرف ان بکنگز پر لاگو ہوں گی جو 16 نومبر 2024 سے مکمل ادائیگی کے ساتھ کی جائیں گی۔