اسرار خان : لاہور میں موٹر سائیکل چوروں کا وارداتوں کیلئے انوکھا طریقہ، موٹر سائیکل چرانے کیلئے کم عمر لڑکوں کو بھی استعمال کرنے لگے ۔
جوہر ٹاؤن کے علاقہ میں شہری رانا بلاول کی موٹر سائیکل بھی چوروں کے ہتھے چڑھ گئی۔ واردات 17 مئی کی رات ساڑھے 8 بجے ڈاکٹرز ہسپتال کے باہر ہوئی۔ سی سی ٹی وی میں موٹر سائیکل چور اپنے کم عمر ساتھی کے ہمراہ نظر آتا ہے، چور اپنے ہدف والی موٹر سائیکل کا سائیڈ لاک توڑ دیتا ہے ، اس دوران کم عمر لڑکا اطراف کی نگرانی کرتا نظر آتا ہے، چور اپنی موٹر سائیکل پر سوار ہوتا ہے جبکہ اسکا کم عمر ساتھی چوری شدہ موٹر سائیکل نکالتا ہے۔ سی سی ٹی وی میں ملزمان چوری کی جانے والی موٹر سائیکل کو دھکیلتے ہوئے دکھائی دیتے ہیں۔
دوسری جانب جوہر ٹاؤن پولیس نے متاثرہ شہری کی درخواست پر مقدمہ درج کر لیا۔
پولیس کا کہنا ہے کہ سی سی ٹی وی کی مدد سے واردات میں ملوث ملزموں کی تلاش کی جا رہی ہے۔