احمد منصور : چیف آف آرمی سٹاف جنرل سید عاصم منیر سے آسٹریلئین چیف آف ڈیفنس فورسز جنرل ایگنس جے کیمپ بیل کی ملاقات ہوئی ۔
آئی ایس پی آر کے مطابق آسٹریلین ڈیفنس فورسز کے سربراہ جنرل اینگس جے کیمبل نے آرمی چیف جنرل سید عاصم منیر سے ملاقات کی. ملاقات کے دوران دو طرفہ پیشہ ورانہ دلچسپی کے امور پر بات چیت کی گئی، جبکہ عالمی اور علاقائی سلامتی کی صورتحال اور مسلح افواج کے درمیان تعاون پر بھی تبادلہ خیال کیا گیا.
ملاقات میں دونوں جانب سے ملٹری ٹو ملٹری تعاون کو مزید وسعت دینے کی ضرورت پر بھی زور دیا گیا۔
آسٹریلوی چیف آف ڈیفنس فورسز نے پاکستان کی مسلح افواج کے اعلیٰ پیشہ وارانہ معیار اور دہشت گردی کے خلاف جنگ میں ان کی کامیابیوں کا اعتراف کیا اور علاقائی امن و استحکام کے فروغ کے لئے مسلح افواج کی کوششوں کو سراہا۔