طیب سیف:  چیف کمشنر اور آئی جی اسلام آباد کی رہائش گاہ کے قریب سے کیبل چوری کرنے والے 3 ملزمان گرفتار کرلیے گئے۔ 

 کوہسار پولیس نے چور گروہ کے 3 ملزمان کو سی سی ٹی وی کیمروں کی مدد سے گرفتار کیا۔ پولیس کا کہنا ہے کہ ملزمان  کیبل چوری  کی مختلف وارداتوں میں بھی  مطلوب تھے ، پولیس نے ملزمان سے  چوری شدہ کیبل برآمدکر لی ۔ 

واردات کے متعلق ترجمان این ٹی سی نے بتایا کہ گزشتہ رات 3 اور 4 بجےکے درمیان چوروں نےکارروائی کی اور لاکھوں روپے مالیت کی کیبل کاٹ کر لے گئے، جس کی وجہ سے تمام ٹیلیفون نمبر بند ہو گئے۔