سعید احمد: کرغیزستان کے دارالحکومت بشکک میں پھنسے ہوئے پاکستانی سٹوڈنٹس میں سے 30 کرغیزستان ائیرلائن کی فلائٹ سے لاہور پہنچ گئے۔وفاقی وزیر داخلہ محسن نقوی نے پرتشدد واقعات کا سامنا کرنے کے بعد وطن واپس پہنچنے والے سٹوڈنٹس کا ائیرپورٹ پر استقبال  کیا۔ 
نوماڈ ایئر کی پرواز این کے 571 لاہور ایئرپورٹ لینڈ کر گئی۔ طیارے میں سوار مسافروں کیلئے بین الاقوامی آمد لاؤنج میں الگ کاؤنٹرز قائم کئے گئے۔ 

ائیرپورٹ کے امیگریشن ذرائع نے بتایا کہ آج شب پہنچنے والی فلائٹ میں 30 طلبہ لاہور پہنچے ہیں۔  آج دن میں کسی وقت خصوصی پرواز سے مزید طلبا لاہور پہنچیں گے۔