فوری الیکشن یا حکومت مدت پوری کرے گی? وزیراعظم قوم سے جلد اہم خطاب کریں گے

ویب ڈیسک: وزیراعظم شہباز شریف کل قوم سے جلد خطاب کریں گے۔
 شہباز شریف نے سرکاری مصروفیات ترک کردیں، وزیراعظم کی پارٹی رہنماؤں کے ساتھ معاشی و سیاسی امور پر مشاورت جاری ہے، وزیراعظم کے قوم سے خطاب کے نکات پر مشاورت کی گئی۔خیال رہے کہ 11 اپریل کو حلف اٹھانے کے بعد وزیراعظم شہباز شریف کا قوم سے یہ پہلا خطاب ہو گا۔
واضح رہے کہ اس وقت ملک میں سیاسی و معاشی غیر یقینی صورتحال چھائی ہے، روپے کے مقابلے میں امریکی ڈالر کی قدر میں تیزی سے اضافہ ہو رہا ہے، پٹرولیم مصنوعات کی قیمتیں بڑھانے کے لیے حکومت پر عالمی مالیاتی ادارے (آئی ایم ایف) کی طرف سے سخت دباؤ کا سامنا ہے۔