اسرار خان : لاہور نشتر کالونی کے علاقہ مظفر کالونی سے لڑکے کی پراسرار گمشدگی کا معاملہ، 13 سالہ حسیب کی لاش گھر کی چھت پر رکھے گئے ڈرم سے برآمد ہو گئی ۔
پولیس کے مطابق حسیب کو اس کے سوتیلے بھائی علی اصغر نے قتل کر کے لاش ڈرم میں چھپائی ۔ 13 سالہ حسیب کی گمشدگی پر اس کے والد احمد یار کی درخواست پر نشتر کالونی پولیس نے بروقت اغواء کا مقدمہ درج کر لیا تھا، تاہم تحقیقات کے دوران لاش ملی تو ملزم علی اصغر موقع سے فرار ہو گیا۔
پولیس کا کہنا ہے کہ مقتول کی لاش مردہ خانے منتقل کر کے اس کے لواحقین کے بیانات کی روشنی میں مزید تحقیقات کی جا رہی ہیں جبکہ واقعہ میں ملوث سفاک ملزم کی گرفتاری کیلئے چھاپے مارے جا رہے ہیں ۔