(عابد چوہدری)عید الاضحی ٰقریب آتے ہی شہر میں ڈکیتی و راہزنی کی وارداتوں میں اضافہ،24گھنٹوں کے دوران مختلف جرائم کی 440وارداتیں ریکارڈ کی گئیں۔
پولیس ریکارڈ کے مطابق سٹریٹ کرائم کی 5 ،موٹرسائیکل چھیننے کی 5،موٹرسائیکل چوری کی 91،کار چھیننے کی دو،ڈکیتی اور چوری کی331وارداتیں ہوئیں۔۔ہربنس پورہ میں ڈاکو حنیف کے گھر سے26 لاکھ نقدی ،طلائی زیورات اور موبائل فون لوٹ کر فرارہو گئے۔
گرین ٹاؤن میں محمد نوید کے گھر سے 17لاکھ 90ہزار روپے نقدی،طلائی زیورات اور دیگر سامان لوٹ کر لے گئے،سبزہ زار میں لٹیرے تابش اور اسکی فیملی سے 18لاکھ روپے، طلائی زیورات اورموبائل فونز چھین کر فرارہو گئے۔
فیصل ٹاؤن،ڈیفنس اے ،کاہنہ ،فیکٹری ایریا ،ہیئر، رائیونڈ سٹی ، شاہدرہ ،ہربنس پورہ ،گجر پورہ میں بھی وارداتیں ہوئیں۔پولیس نے روایتی کارروائی کرتے ہوئے وارداتوں کے مقدمات درج کر لئے مگرڈاکو گرفت میں نہ آ سکے۔