ویب ڈیسک : چین کے شمال میں  مٹرگشت کرنےوالا ہاتھیوں کا جھنڈ واپس اپنے اصل جنگلاتی مسکن کی جانب لوٹنے لگا۔

ہاتھی خاص موسم میں اپنے اصل مسکن سے دوسری جگہوں کی جانب ہجرت کرتے ہیں اور کچھ ماہ بعد واپس اپنے مقام کی جانب واپس آجاتے ہیں ۔ چین کے 15 ہاتھوں پر مشتمل ایک جھنڈ بہت مشہور ہواجوحقیقی مسکن سے 500 کلومیٹر دور چین کے جنوب مغربی صوبے یوننان میں گھوم رہا تھا۔

ہاتھیوں کی ہجرت پرنظر رکھنے والےہیڈ کوارٹرزکےانچارج کے مطابق ہاتھیوں کا  یہ جھنڈ جمعرات کو پونے دس بجے یوشی شہر میں داخل ہوا تھا۔ اس دوران جھنڈ کا ایک رکن نر ہاتھی قافلے سے علیحدہ ہوگیا تھا جو اس جھنڈ سے تقریباً 24.7 کلومیٹر دور ہے، البتہ تمام ہاتھی صحیح سلامت ہیں، جو اپنی اصل جنگلاتی مسکن کی جانب سے لوٹ گئے ہیں۔