پنجاب کےسرکاری میڈیکل وڈینٹل کالجزمیں داخلوں کی عبوری میرٹ لسٹ جاری

زاہد چودھری:پنجاب کےسرکاری میڈیکل وڈینٹل کالجزمیں داخلوں کی عبوری میرٹ لسٹ جاری کر دی گئی۔
یونیورسٹی آف ہیلتھ سائنسزنےٹاپ 4ہزاراہل امیدواروں کی لسٹ ویب سائٹ پرجاری کردی،عبوری لسٹ اوپن میرٹ اور کوٹہ سیٹوں پر داخلے کیلئے لگائی گئی۔لسٹ میں سے 3121 امیدواروں کو ہی اوپن میرٹ پر ایم بی بی ایس میں داخلہ مل سکے گا۔
ایم بی بی ایس کیلئے کم از کم اوپن میرٹ 94.3 فیصد رہنے کا امکان ہے،امیدوار عبوری میرٹ لسٹ بارےاعتراضات اگلے24گھنٹےکےاندردرج کراسکتےہیں،اعتراضات صرف آن لائن کمپلینٹ پورٹل کے ذریعے وصول کیے جائیں گے۔
اعتراض کے ساتھ متعلقہ دستاویزی ثبوت بھی اپ لوڈ کرنا لازمی ہوگا،امیدواروں کو میڈیکل کالجز میرٹ لسٹ کی بنیاد پر الاٹ کیے جائیں گے۔داخلہ میرٹ اور کالجز کیلئے امیدوار کی دی گئی چوائس کی بنیاد پر دیا جائے گا
17سرکاری میڈیکل کالجزکی الاٹمنٹ کیلئےپہلی سلیکشن لسٹ 20جنوری کوجاری کی جائیگی۔