سٹی42: پاک ایران وزرائے خارجہ میں ٹیلیفونک رابطہ ، دونوں شخصیات میں  کشیدگی  کم کرنے پر اتفاق ہو گیا ۔

تفصیلات کے مطابق ترجمان دفتر خارجہ کی جانب سے کہا گیا ہے کہ  وزیر خارجہ جلیل عباس جیلانی اور ایرانی وزیر خارجہ حسین امیر عبداللہیان کے درمیان ٹیلی فونک رابطہ ہوا ہے ، پاکستانی وزیر خارجہ نے ایرانی وزیر خارجہ کو

پاکستان کے موقف سے آگاہ کر دیا،وزیر خارجہ جلیل عباس جیلانی کا کہنا ہے کہ پاکستان کیلئے ملکی سلامتی و خودمختاری کا دفاع سب سے اہم ہے ، پاکستان کی سلامتی سےمتعلق ریڈ لائینز واضح ہیں ، ایران پڑوسی اور برادر ملک ہے ، معاملات بات چیت کے ذریعے حل کرنا چاہتے ہیں ،  پاکستانی وزیر خارجہ کی جانب سے گفتگو کے بعد دونوں وزراے خارجہ کے درمیان حالیہ کشیدگی کم کرنے پر اتفاق  ہوا ہے ۔