علی ساہی:پنجاب سیف سٹیز اتھارٹی کے چیمپئنز ٹرافی کےحوالے سے سکیورٹی انتظامات،لاہور اورراولپنڈی میں کھیلے گئے میچزکی جدیدسرویلنس سسٹم سےمانیٹرنگ جاری ہے۔

ترجمان سیف سٹیز کا کہنا تھا کہ قذافی اور راولپنڈی سٹیڈیم کے اندر اور باہر کیمروں سے مانیٹرنگ کی جارہی ہے،میچز کی سکیورٹی کیلئے فیشل ریکگنائزیشن سمیت 600 سے زائد کیمروں سے مانیٹرنگ جاری ہے۔
ایئرپورٹ،ہوٹل سے سٹیڈیم ،اردگرد کے روٹس کی 24 گھنٹے سرویلنس کی جا رہی ہے،سیف سٹی ہیڈکوارٹر میں ورچوئل پیٹرولنگ افسران ،ٹیکنیکل ٹیمیں 24 گھنٹے ڈیوٹی پر موجود ہیں۔
پی آر یو گاڑیوں پر نصب سیف سٹیز کیمروں سے بھی روٹس کی مانیٹرنگ کی جاری ہے ،سیف سٹی کی موبائل کمانڈ وہیکل میچز کی مانیٹرنگ کیلئے قذافی سٹیڈیم میں موجود ہے۔
بین الاقوامی سکیورٹی سٹینڈرڈز کے مطابق جدید ٹیکنالوجی ،کوآرڈینیشن سے سکیورٹی کو فول پروف بنایا گیا، سیف سٹی فیلڈ فورسز کے ساتھ مکمل کوآرڈینیشن جاری رکھے ہوئے ہے۔