(مانیٹرنگ ڈیسک) ہالی وڈ اداکارہ انجلینا جولی بڑی مشکل میں پھنس گئیں، انجلینا جولی کے سابق شوہر بریڈ پٹ نے ان کیخلاف مقدمہ درج کرادیا ۔
ذرائع کے مطابق امریکی اداکار بریڈ پٹ نے اپنی سابقہ اہلیہ انجلینا جولی کے خلاف دھوکہ دہی کا مقدمہ درج کرایا ہے ۔ بریڈ پٹ نے ا لزام عائد کیا کہ انجلینا جولی نے ان کی اجازت کے بغیر غیر قانونی طور پر فرانس کی جائیداد کے شیئر زروسی سرمایہ کار کو فروخت کیے ہیں۔ مقدمہ میں بتایا گیا ہے کہ دونوں میاں اور بیوی میں یہ معاہدہ طے پایا تھا کہ جائیداد کے شیئرز ایک دوسرے کی اجازت کے بغیر فروخت نہیں کئے جائیں گے۔
واضح رہے کہ ہالی وڈ کی معروف جوڑی انجلینا جولی اور بریڈ پٹ کی شادی 2014میں ہوئی تھی جبکہ وہ 2004سے ریلیشن شپ میں تھے ۔ان کی شادی صرف دو سال چل سکی اور 2016دونوں اداکاروں میں طلاق ہوگئی۔