سٹی 42: گزشتہ دنوں خبروں کی زینت بننے والے جرمن یوٹیوبر کرسٹین بیٹزمین نے آخر اپنی محبت کا اظہار کر ہی دیا ، ان کی محبت کوئی اور نہیں بلکہ ان کی قریبی دوست اور پاکستانی اداکارہ زویا ناصر ہیں جن سے کرسٹین بیٹزمین نے منگنی کر کے اپنے جیون ساتھی کا انتخاب کر لیا ہے۔
تفصیلات کے مطابق زویا ناصر اور کرسٹین بیٹزمین قریبی دوست ہیں جبکہ گزشتہ دنوں ہی جرمن یوٹیوبر نے اسلام قبول کیا تھا۔ جرمن یوٹیوبر کرسٹین بیٹزمین نے خود ہی اپنے یوٹیوب چینل پر ویڈیو اپ لوڈ کی تھی اور دائرہ اسلام میں داخل ہونے کا بتایا تھا۔
تاہم اب جرمن یوٹیوبر نے اپنی دوست و پاکستانی اداکارہ زویا ناصر سے منگنی کرلی ہے جس کا اعلان دونوں نے اپنے آفیشل انسٹاگرام اکاؤنٹس سے کیا۔اداکارہ زویا نے منگیتر کرسٹین بیٹزمین کی گھٹنوں کے بل بیٹھ کر پرپوز کرنے کی تصاویر پوسٹ کیں اور لکھا کہ ’اس نے کہا اور میں نے ہاں کردی۔اداکارہ کی تصاویر میں ان کی منگنی کی انگوٹھی بھی دکھائی دے رہی ہے۔
دوسری جانب اداکارہ کے منگیتر نے بھی تصاویر پوسٹ کیں اور زویا کے مان جانے پر خوشی کا اظہار کیا۔