ویب ڈیسک: کراچی میں نیوکراچی، سلیم سینٹر کے قریب ٹرالر کی زد میں آکر موٹرسائیکل سوار جاں بحق، مشتعل افراد نے ٹرالر کو آگ لگادی۔
پولیس کے مطابق نیوکراچی میں سلیم سینٹر کے قریب ٹریفک حادثہ پیش آیا، موٹرسائیکل سوار ایک شخص ٹرالر کی زد میں آکر شدید زخمی ہوگیا جسے عباسی شہید اسپتال منتقل کیا جا رہا تھا کہ وہ راستے میں ہی دم توڑ گیا، جاں بحق نوجوان کی شناخت 21 سالہ عزیز الدین کے نام سے ہوئی ہے۔پولیس کے مطابق واقعہ کے بعد مشتعل علاقہ مکینوں نے ٹرالر کو آگ لگادی، پولیس نے پہنچ کر مشتعل افراد کو منتشر کردیا۔
پولیس کا کہنا ہے کہ ٹرالر میں لگی آگ بجھادی گئی، پولیس نے ٹرالر کے کلینر کو پکڑلیا جبکہ ڈرائیور فرار ہوگیا۔