اسرار خان: یوٹیوبر عون علی کھوسہ کے لاپتہ ہونے کے معاملے میں اہم پیش رفت سامنے آ گئی، پولیس نے اہلیہ بینش اقبال کی درخواست پر مقدمہ درج کر لیا۔

 لاہور پولیس کی جانب سے درج مقدمے میں اغواء کی دفعات کے تحت 10 نامعلوم ملزمان کے خلاف درج کیا گیا، ایف آئی آر میں مدعیہ مقدمہ نے مؤقف اختیار کیا ہے کہ اس کے شوہر عون علی کھوسہ کو 15 اگست کی رات 2 بجے کے قریب  10 نامعلوم مسلح افراد نے گھر سے اغوا کیا، جس کے بعد سے اس کا کوئی سراغ نہیں مل رہا۔

 واضح رہے کہ یوٹیوبر عون علی کھوسہ نے یوم آزادی کے موقع پر ’بل بل پاکستان‘ گانا ریلیز کیا تھا جس کو عوام میں کافی پذیرائی حاصل ہوئی تھی۔