سٹی42: بولان میں ڈھاڈر کے قریب دو لڑکیوں کو قتل کردیا گیا۔

پولیس ذرائع کے مطابق  دو لڑکیوں کے قتل کا واقعہ ڈھاڈر کے قریب گوٹھ فیض بخش میں پیش آیا۔

ڈھاڈر سول ہسپتال کے ایم ایس ڈاکٹر سیف اللہ مری نے بتایا کہ دونوں لڑکیوں مسماۃ (آ) اور (س) کو گولیاں مار کر قتل کیا گیا ہے۔ 

 پولیس حکام کا کہنا ہے کہ ابتدائی تحقیقات میں اس دوہرے قتل کی وجوہات معلوم نہیں ہوسکیں۔لاشوں کو سول ہسپتال ڈھاڈر میں منتقل  کیا جا رہا ہے۔  لاشوں کو ضروری کارروائی کے بعد ورثاء کے حوالے کیا جائے گا 

 مزید تفتیش شروع کر دی گئی ہے۔