سٹی42: پشاور زلمی نے پی ایس ایل سیزن 10 کے 9 ویں میچ میں ملتان سلطانز کو بڑے مارجن سے ہرا کر درامائی واپسی کی ہے۔ اب پشاور زلمی پی ایس ایل سیزن 10 کے پوائنٹس ٹیبل پر دو پوائنٹس کے ساتھ پانچویں ٹیم بن گئی ہے۔ 

آج راولپنڈی کرکٹ سٹیڈیم میں پشاور زلمی نے ملتان سلطانز کو   120 رنز سے ہرا دیا۔

یہ پی ایس ایل ٹین کا  مسلسل چھٹا میچ ہے جب پہلے کھیلنے والی ٹیم میچ جیت رہی ہے۔

پشاور زلمی نے پہلے کھیل کر  7 وکتٹوں کے نقصان پر 227 رنز بنائے تھے۔ آج شب دوسری انگگز کھیلتے ہوئے ملتان سلطانز کے تمام 10 کھلاڑی  107 رنز پر آؤٹ ہو گئے۔ 

آج میچ کا ٹاس  پشاور زلمی کے کیپٹن بابر اعظم نے جیتا تھا اور انہوں نے زلمی کے پہلے بیٹنگ کرنے کا فیصلہ کیا۔

زلمی کے دونوں اوپنر پہلے دو اوورز میں آؤٹ ہو جانے کے بعد ون ڈاؤن  ٹام کوہلر لیڈمور اور ٹو ڈاؤن حارث نے اوپنرز کا کردار سنبھال کیا، دونوں نے پاور پلے کے اوورز میں پشاور زلمی کا مجموعہ تیزی سے بڑھایا۔ 

حارث اور  ٹام کوہلر کیڈمور نے زلمی کو  سنبھالا اور نسبتاً سٹرونگ پارٹنر شپ کے ساتھ  مجموعہ کو  84 رنز تک لے گئے۔ آٹھویں اوور میں حارث  عبید شاہ کی بال پر کیچ آؤٹ ہوئےتو ان کا سکور  45 تھا۔  انہوں نے یہ سکور  21 گیندوں سے کیا۔

کیڈمور  14 ویں اوور مین آؤٹ ہوئے تو زلمی کا مجموعہ  137 ہو چکا تھا۔ کیڈمور  30 گیندوں سے  52 رنز بنا کر آؤٹ ہوئے۔  حارث کے جانے کے بعد حسین طلعت نے کیڈمور کے ساتھ مل کر رن ریٹ کو برقرار رکھا۔  

حسین طلعت نے  37 رنز بنائے۔  مائیکل اوورن  34 اور عبدالصمد  40 رنز کا اضافہ کر کے گئے۔  الزاری جوزف 6 رنز کے ساتھ ناٹ آؤٹ رہے۔ 

ملتان سلطانق کے ڈیوڈ ولی، مائیکل بریس ویل اور عبید شاہ کو دو دو وکٹیں تو ملیں لیکن تینوں کی اکانومی9 سے  زیادہ رہی۔

سب سے زیادہ مہنگا باؤلر  عاکف جاوید تھے جنہیںتین اوورز میں  17 کی ایوریج کے ساتھ 52 رنز پڑے۔ 

 اسامہ میر بھی مہنگے باؤل رہے، انہین 4 اوورز میں  51 رنز پرے اور وکٹ بھی کوئی نہ ملی۔

صرف افتخار مار کھانے سے بچے، ان کے ایک اوور میں 5 رنز پڑے۔ 

ملتان سلطانز کی اننگز

ملتان سلطان کی ساری ٹیم آج  16 ویں اوور میں آؤٹ ہو گئی۔  وہ  228 رنز کے ہداف کا تعاقب کرتے ہوئ  107 رنز پر ہی اپنی انگگز تمام کر کے واپس چلے گئے۔ 

سلطانز کے کیپٹن محمد رضوان نے 15 رنز بنائے اور ان کے ساتھی اوپنر شائی ہونے نے  20 رنز بنائے۔  عثمان خان 44 اور ڈیوڈ ولی  13 رنز بنانے میں کامیاب ہوئے۔

باقی کھلاڑیوں میں سے صرف کامران غلام ہی  6 رنز بنانے میں کامیاب ہوئے۔