راؤ لشاد :وزیراعلیٰ مریم نوازنے پنجاب میں زیروپولیو کیس کا ہدف مقرر کر دیا۔
تفصیلات کے مطابق وزیراعلیٰ کی مسنگ چلڈرن کا تناسب بھی زیرو کرنے کی ہدایت کر دی،ڈپٹی کمشنرز کو متعلقہ علاقوں میں انسداد پولیو مہم کو مؤثر بنانے کیلئے اقدامات اورہر ضلع میں ڈپٹی کمشنرز کو یونین کونسل وائز پولیو مہم کا روزانہ جائزہ لینے کی ہدایات کر دیں۔
انتظامیہ کو انسداد پولیو ویکسی نیشن کے مائیکروپلان پر عملدرآمد یقینی بنانے کا حکم جاری کر دیا۔
مریم نواز نے کہا ہے کہ کوئی بچہ پولیو سے بچاؤ کی ویکسین کے قطرے پینے سے رہ نہ جائے، مشترکہ کوشش سے زیرو پولیو کا ہدف باآسانی حاصل کیا جا سکتا ہے، کسی بھی بچے کا پولیو کے رسک پر ہونا ہر گز گوارا نہیں۔
صوبائی سیکرٹری پرائمری اینڈ سیکنڈری ہیلتھ کیئر کی اینٹی پولیو ویکسی نیشن مہم پر بریفنگ دی۔