عابد چودھری : ایس ایچ او وحدت کالونی سمیت 7 اہلکاروں کے خلاف اغوا برائے تاوان کا مقدمہ درج کردیا گیا ۔
ایس ایچ او افضال رؤف ، سب انسپکٹر عادل و دیگر اہلکاروں کیخلاف مقدمہ درج کیا گیا۔ مقدمہ گوجرانوالہ کے رہائشی الیاس کی مدعیت میں تھانہ فیروزوالا میں درج کیا گیا، جس کے مطابق الیاس کو گن پوائنٹ پر گاڑی میں بٹھا کر نامعلوم جگہ لے جا کر ایک کروڑ کا مطالبہ کیا گیا۔
مدعی مقدمہ کے مطابق گھر فون کر کے 12 لاکھ روپے کی رقم منگوائی اور جان خلاصی کروائی۔
ایس ایچ او افضال کو ڈی آئی جی آپریشنز کے دفتر بلا کر گرفتار کر لیا گیا۔ ایس ایچ او سمیت 3 اہلکاروں کو فیروزوالا پولیس کے حوالے کردیا گیا۔