(سٹی42) پاکستان نے ابابیل ویپن سسٹم کا کامیاب تجربہ کرلیا، میزائل سسٹم دفاعی اور اسٹریٹجک صلاحیت کا اہم عنصرہے۔
پاکستانی فوج کے شعبہ تعلقات عامہ (آئی ایس پی آر) کی جانب سے بیان میں کہا گیا ہے کہ پاکستان نے ابابیل ویپن سسٹم کا کامیاب تجربہ کرلیا، تجربےمیں مختلف ڈیزائن ، تکنیکی پیرامیٹرز،کارکردگی کامشاہدہ کیاگیا اور ویپن سسٹم کے مختلف ذیلی پہلوؤں کو بھی جانچا گیا۔
Pakistan today conducted a successful flight test of Ababeel Weapon System. The test flight was aimed at re-validating various design, technical parameters and performance evaluation of different sub-systems of the weapon system. pic.twitter.com/3uj5vBkJC0
— 24 News HD (@24NewsHD) October 18, 2023
ترجمان نے بتایا کہ میزائل سسٹم دفاعی اور اسٹریٹجک صلاحیت کا اہم عنصرہے، تجربے کا مقصد کم از کم دفاعی صلاحیت کے پہلوؤں کا اعادہ کرنا تھا،چیئرمین جوائنٹ چیفس آف اسٹاف کمیٹی جنرل ساحرشمشاد مرزا نے تجربے کا مشاہدہ کیا ، اس موقع پر دیگر اعلیٰ فوجی حکام، سائنسدان اور انجینئرز بھی موجود تھے۔
جنرل ساحرشمشاد مرزا نے کامیاب تجربے پر سائنسدانوں اورانجینرزکومبارک باد دی جبکہ صدر عارف علوی ، وزیراعظم اور عسکری قیادت کی جانب سے بھی ویپن سسٹم کے کامیاب تجربے پر مبارکباد دی گئی۔