(مانیٹرنگ ڈیسک) بھارت کے معروف گلوکار ’کے کے‘ کے بعد کیریبین ملک ہیٹی سے تعلق رکھنے والا گلوکار بھی دورانِ کنسرٹ دل کا دورہ پڑنے سے چل بسے۔
غیر ملکی میڈیا رپورٹ کے مطابق کیریبین ملک ہیٹی سے تعلق رکھنے والے معروف گلوکار میکا بین پیرس میں جاری کنسرٹ کے دوران چل بسے۔ میکا بین پیرس میں کنسرٹ کیلئے موجود تھے جہاں کنسرٹ کے دوران اچانک دل کا دورہ پڑنے سے گلوکار کی موت ہوئی۔
کنسرٹ ہال کی انتظامیہ کی جانب سے میکا بین کی موت کے بعد ٹوئٹر پر اعلان کیا گیا کہ گلوکار کی طبیعت خراب ہونے پر میکا بین کو طبی امداد بھی دی گئی مگر دل کے دورے کی شدت زیادہ ہونے کے سبب گلوکار موقع پر ہی دم توڑ گئے۔
View this post on Instagram
واضح رہے کہ اب سے کچھ ماہ قبل بھارتی معروف گلوکار کرشناکمار کناتھ عروف کے کے بھی کنسرٹ کے دوران دل کا دورہ پڑنے کے باعث انتقال کر گئے تھے۔