ویب ڈیسک: پاکستان کرکٹ بورڈ کے چیئر مین محسن نقوی نے کہا ہے کہ چیمپئنز ٹرافی پاکستان میں ہی کرائیں گے۔

 لاہور میں میڈیا سے گفتگو کرتے ہوئے انہوں نے کہا کہ میگا ایونٹ کیلئے سٹیڈیمز کا تعمیراتی کام تیزی سے جاری ہے ، بھارت سے اب بھی اچھے کی توقع ہے ، کھیل  اور سیاست الگ الگ چیزیں ہیں ، ہمیں کوئی ٹف ٹائم نہیں دے سکتا، اب بھی پاکستان میں چیمئنز ٹرافی کے لئے پر امید ہوں، پی سی بی نے آئی سی سی کو خط لکھا ہے بس اس کے جواب کو انتظار ہے۔

 انہوں نے کہا کہ ہم آئی سی سی سے رابطے میں ہیں ، پی سی بی ہیڈ کوارٹرز میں ڈریسنگ رومز سمیت تمام تعمیراتی کام کو مانیٹر کر رہے ہیں۔ انہوں نے کہا کہ ایسا کوئی مسئلہ نہیں کہ بھارتی ٹیم پاکستان نہ آئے، تمام ٹیمیں پاکستان آنے کیلئے تیار ہیں۔ انہوں نے کہا کہ چند دنوں میں ہیڈ کوچ کی تلاش شروع کر دیں گے۔ عاقب جاوید چیمپئنز ٹرافی تک ہیڈ کوچ ہونگے۔