ویب ڈیسک:وائٹ واش سے بچنے کیلئے شاہین چیلنج قبول کرنے کیلئے تیار، پاکستان اور آسٹریلیا کے درمیان سیریز کا تیسرا اور آخری ٹی ٹونٹی میچ آج ہوبارٹ میں کھیلا جائے گا۔

 میچ پاکستانی وقت کے مطابق آج ایک بجے شروع ہوگا، تین میچوں کی سیریز میں آسٹریلیا کو دو صفر کی فیصلہ کن برتری حاصل ہے۔دوسرے میچ میں پاکستانی کھلاڑیوں کی ناقص فیلڈنگ اور سلو بیٹنگ شکست کا سبب بنی تھی ۔سابق کپتان بابر اعظم کی کار کردگی بدستور خراب ہے، تاہم کپتان  پر امید ہیں کہ تیسرے میچ میں جیت پاکستان کی ہوگی۔

 واضح رہے کہ دوسرے ٹی ٹونٹی میں حارث رؤف نے اہم سنگ میل عبور کیا، میچ میں 4 وکٹیں لینے والے حارث رؤف مشترکہ طور پر پاکستان کی جانب سے ٹی ٹونٹی انٹرنیشنلز میں سب سے زیادہ وکٹیں لینے والے بولر بن گئے ہیں۔حارث رؤف نے 72 ٹی ٹونٹی انٹرنیشنلز میں 107 وکٹیں لی ہیں، شاداب خان بھی 96 میچز میں 107 وکٹیں لے چکے ہیں۔