سٹی42: گورنمنٹ گرلز ہائی سکول نیپئر روڈ میں اسٹوڈنٹ کونسل کے الیکشن  میں ایمن خان صدر منتخب ہو گئیں۔  سیدہ فاطمہ کنان نائب  اور مشائم کامران جنرل سیکرٹری منتخب ہو گئیں۔ 

سٹوڈنٹ کونسل کے الیکشن میں صدر، نائب صدر، جنرل سیکرٹری، فنانس سیکرٹری، اسپورٹس سیکرٹری کے ساتھ  ڈیبیٹنگ سوسائٹی اورکلچرل سوسائٹی کے آفس بئیررز  کا بھی انتخاب کیا گیا۔

اس الیکشن کیلئے سٹوڈنٹس نے بھرپور انتخابی مہم چلائی اور کئی روز تک اپنی فیوریٹ امیدواروں کیلئے کنویسنگ کی۔

ٹیچرز اور سٹوڈنٹس نے پولنگ میں بڑھ چڑھ کر حصہ لیا اور اپنی پسند کی امیدوار کے حق میں ووٹ ڈالا۔ الیکشن کے نتائج کے مطابق ایمن خان صدر، سیدہ فاطمہ کنان نائب صدر، مشائم کامران جنرل سیکرٹری، گلشن آرا سپورٹس سیکرٹری، آئمہ خرم ڈیبیٹنگ سیکرٹری، نویراامجداور ملائکہ عرفان کلچرل سیکرٹری، آمنہ امین فنانس سیکرٹری منتخب ہوئیں۔

نو منتخب آفس بئیررز نے  اپنے عہدوں کا حلف اٹھالیا۔ پرنسپل نائلہ الیاس نے نو منتخب آفس بئیررز  کو مخصوص رنگوں کی دل آویز سیش پہنائیں۔